生理鹽水、消毒藥水 (黃水、粉紅水 / 藍水) 都可以用來清潔傷口，究竟應該喺咩時候選用邊一款? 而佢哋有咩唔同之處?

• • 生理鹽水：主要成份係 0.9% 氯化钠 (Sodium chloride / NaCl)，主要用作清潔傷口
  • 黃水：主要成份係 0.015% 氯己啶 (Chlorhexidine) + 0.15% 西曲溴銨 (Cetrimide)，具有消毒同清潔功能
  • 粉紅水 / 藍水：主要成份係 0.05% 氯己定 (Chlorhexidine)，主要用作消毒

生理鹽水通常分為「一般生理鹽水 (用作清潔傷口)」同「無菌生理鹽水 (主要用於注射)」，以上講嘅係市面上較多人用來清潔傷口嘅生理鹽水。生理鹽水，因為含有鹽份，同時成份接近人體體液，具有較溫和嘅殺菌功能。唔單止用嚟清潔傷口，都適用喺清洗眼同鼻腔。

如果喺戶外受傷，傷口有受外來物污染，呢個時候就應該使用黃水。

如果只係一般小割傷，最適合使用粉紅水 / 藍水。